ತರಬೇತಿ ಕಾರ್ಯಕ್ರಮಗಳು

ಕೌಶಲ್ಯ ಅಭಿವೃದ್ದಿ ಯೋಜನೆ

ಉದ್ದೇಶ :

ಪಾದರಕ್ಷೆ/ಶೂ/ಚರ್ಮ ವಸ್ತುಗಳ ತಯಾರಿಕೆಯಲ್ಲಿ ಕೌಶಲ್ಯ ಅಭಿವೃದ್ಧಿಗೊಳಿಸುವುದು ಮತ್ತು ಗುಡಿ ಕೈಗಾರಿಕೆಗೆ ಉತ್ತೇಜನ ನೀಡುವುದು ಈ ಯೋಜನೆಯ ಉದ್ದೇಶವಾಗಿರುತ್ತದೆ.

ವಿವರ:

ಪಾದರಕ್ಷೆ/ ಶೂ / ಚರ್ಮ ವಸ್ತುಗಳ ತಯಾರಿಕೆಯಲ್ಲಿ 60 ದಿನಗಳ ಅವಧಿಗೆ ಉನ್ನತ ಮಟ್ಟದ ಕೌಶಲ್ಯ ಅಭಿವೃದ್ದಿ ತರಬೇತಿ ನೀಡಲಾಗುವುದು.
ಲೆದರ್ ಸೆಕ್ಟರ್ ಸ್ಕಿಲ್ ಕೌನ್ಸಿಲ್ ಸಂಸ್ಥೆಯ ಮೇಲ್ವಿಚಾರಣೆ ಮತ್ತು ಮೌಲ್ಯಮಾಪನದೊಂದಿಗೆ ಬಹುಪಯೋಗಿ ತರಬೇತಿಯನ್ನು ನೀಡಲಾಗುವುದು.
ತರಬೇತಿ ನಂತರ ಗುಡಿ ಕೈಗಾರಿಕೆ ಪ್ರಾರಂಭಿಸಲು ಅವಶ್ಯವಿರುವ ಅಂದಾಜು ರೂ. 23,000/- ಬೆಲೆ ಬಾಳುವ ಯಂತ್ರೋಪಕರಣಗಳನ್ನು ಅಂದರೆ ಒಂದು ಚರ್ಮ ಹೊಲಿಗೆ ಯಂತ್ರ ಮತ್ತು ಒಂದು ಉಪಕರಣ ಪೆಟ್ಟಿಗೆ ವಿತರಿಸಲಾಗುವುದು. ಅಲ್ಲದೆ ರೂ. 6000/- ಶಿಷ್ಯವೇತನ ನೀಡಲಾಗುವುದು.
ಉದ್ಧೇಶಿತ ಗುಂಪು - 30 ಕುಶಲಕರ್ಮಿಗಳ ಒಂದು ತಂಡ.
ತರಬೇತಿಯ ಅವಧಿ - 60 ದಿನಗಳು.
ಘಟಕ ವೆಚ್ಚ – ರೂ. 10.50 ಲಕ್ಷ.

ಕೌಶಲ್ಯ ಉನ್ನತೀಕರಣ ಯೋಜನೆ

ಉದ್ದೇಶ :

ರಾಜ್ಯದಲ್ಲಿ ಚರ್ಮ ತಾಂತ್ರಿಕತೆಯಲ್ಲಿ ಮಾನವ ಸಂಪನ್ಮೂಲವನ್ನು ಅಭಿವೃದ್ಧಿಗೊಳಿಸುವುದು ತನ್ಮೂಲಕ ಚರ್ಮೋದ್ಯಮದ ಬೆಳವಣಿಗೆಗೆ ಸಹಕಾರಿಯಾಗುವುದು ಈ ಯೋಜನೆಯ ಉದ್ದೇಶವಾಗಿರುತ್ತದೆ.

ವಿವರ:

ಎಸ್.ಎಸ್.ಎಲ್.ಸಿ/ಪಿ.ಯು.ಸಿ ಉತ್ತೀರ್ಣ ಮತ್ತು ಪದವೀಧರರಾದ ಚರ್ಮ ಕುಶಲಕರ್ಮಿ ಕುಟುಂಬಗಳಿಗೆ ಸೇರಿದ ನಿರುದ್ಯೋಗಿ ಯುವಕರನ್ನು ಪಾದರಕ್ಷೆ ವಿನ್ಯಾಸ ಅಭಿವೃದ್ಧಿ ಮತ್ತು ಕೌಶಲ್ಯವೃದ್ಧಿ ಮತ್ತು ಮಾರುಕಟ್ಟೆ ಕೌಶಲ್ಯಗಳ ತರಬೇತಿಗಾಗಿ, ಕೇಂದ್ರ ಸರ್ಕಾರ ಮತ್ತು ರಾಜ್ಯ ಸರ್ಕಾರದಿಂದ ಸ್ಥಾಪಿಸಲ್ಪಟ್ಟ ಪ್ರತಿಷ್ಟಿತ ತರಬೇತಿ ಕೇಂದ್ರಗಳಾದ ದೆಹಲಿ / ಆಗ್ರಾ / ಚೆನೈ / ಬೆಂಗಳೂರು ಮತ್ತಿತರೆ ಸ್ಥಳಗಳಲ್ಲಿರುವÀ ಎಫ್.ಡಿ.ಡಿ.ಐ / ಸಿಎಫ್.ಟಿ.ಐ /ಸಿ.ಎಲ್.ಆರ್.ಐ/ ನ್ಯಾಷನಲ್ ಇನ್ಸ್ಟಿಸ್ಟೂಟ್ ಆಫ್ ಫ್ಯಾಷನ್ ಟೆಕ್ನಾಲಜಿ / ಕರ್ನಾಟಕ ಚರ್ಮ ತಾಂತ್ರಿಕ ಸಂಸ್ಥೆ, ಬೆಂಗಳೂರು ಇಲ್ಲಿ ವಸತಿ ಸಹಿತ ಅಲ್ಪಾವಧಿ ಮತ್ತು ಧೀರ್ಘಾವಧಿ ಕೋರ್ಸ್ಗಳಿಗೆ ನಿಯೋಜಿಸಲಾಗುವುದು.
ದೀರ್ಘಾವಧಿ ಕೋರ್ಸ್ಗಳು (03 ವರ್ಷದಿಂದ 01 ವರ್ಷ): ಪಿಜಿ ಹೈಯರ್ ಡಿಪ್ಲೋಮಾ ಇನ್ ಫುಟ್ವೇರ್ ಮ್ಯಾನುಫ್ಯಾಕ್ಚರಿಂಗ್ ಅಂಡ್ ಮ್ಯಾನೆಜ್ಮೆಂಟ್ ಸ್ಟಡೀಸ್ ಕೋರ್ಸ್, ಮೂರು ವರ್ಷದ ಡಿಪ್ಲೋಮಾ ಇನ್ ಲೆದರ್ ಟೆಕ್ನಾಲಜಿ, ಡಿಪ್ಲಮೋ ಇನ್ ಫುಟ್ವೇರ್ ಡಿಸೈನ್ ಅಂಡ್ ಪ್ರೊಡಕ್ಟನ್ ಟೆಕ್ನಾಲಜಿ
ಅಲ್ಪಾವಧಿ ಕೋರ್ಸ್ಗಳು (03 ತಿಂಗಳಿಂದ 10 ತಿಂಗಳ ಅವಧಿಗೆ): ಫುಟ್ವೇರ್/ಲೆದರ್ ಗೂಡ್ಸ್/ ಲೆದರ್ ಫ್ಯಾಷನ್ ಗಾರ್ಮೆಂಟ್ಸ್ / ತಯಾರಿಕೆ.
ತರಬೇತಿಯ ಪೂರ್ಣ ವೆಚ್ಚ ನಿಗಮದಿಂದ ಭರಿಸಲಾಗುವುದು ಹಾಗೂ ತರಬೇತಿ ಅವಧಿಯಲ್ಲಿ ಶಿಷ್ಯವೇತನ ನೀಡಲಾಗುವುದು.
(ಒಂದು ವರ್ಷದ ಕೋರ್ಸ್‍ಗೆ ರೂ. 1,000/- ಪ್ರತಿ ತಿಂಗಳಿಗೆ, ಪಿ.ಜಿ ಕೋರ್ಸ್‍ಗೆ ರೂ. 2,000/- ಪ್ರತಿ ತಿಂಗಳಿಗೆ, 03 ವರ್ಷದ ಡಿಪ್ಲಮೋ ಕೋರ್ಸ್‍ಗೆ ಶಿಷ್ಯವೇತನ ಅನ್ವಯವಾಗುವುದಿಲ್ಲ)

ನಿಗಮದಿಂದ ವಿವಿಧ ಯೋಜನೆಗಳಡಿ ಸೌಲಭ್ಯ ಪಡೆಯಲು ಇರಬೇಕಾದ ಸಾಮಾನ್ಯ ಅರ್ಹತೆಗಳು:

ಸಾಮಾನ್ಯ ಅರ್ಹತೆಗಳು

ಅರ್ಜಿದಾರರು ಪರಿಶಿಷ್ಟ ಜಾತಿಗೆ ಸೇರಿದ ಅರುಂದತಿಯಾರ್, ಚಮ್ಮಾದಿಯ, ಚಮಾರ್, ಚಂಭಾರ್, ಚಮಗಾರ್, ಮಾದರ್, ಮಾದಿಗ್, ಮಾದಿಗ, ಮಿನಿಮಾದಿಗ್, ಜಾಂಬುವುಲು, ಹರಳಯ್ಯ, ಮಾಚಿಗಾರ್, ಮೋಚಿಗಾರ್, ಮೋಚಿ, ಮುಚಿ, ತೆಲಗು ಮೋಚಿ, ಕಮಾಟಿ ಮೋಚಿ, ರೋಹಿದಾಸ್, ಧೋರ್, ಕಕ್ಕಯ್ಯ, ಕಂಕಯ್ಯ, ಸಮಗಾರ, ಸಮಗಾರ್, ಆದಿ ಆಂದ್ರ, ಆದಿ ದ್ರಾವಿಡ, ಆದಿ ಕರ್ನಾಟಕ ಜಾತಿಗಳಿಗೆ ಸೇರಿದ ಕುಶಲಕರ್ಮಿಗಳಾಗಿರಬೇಕು.
ಆದಿ ಆಂದ್ರ, ಆದಿ ದ್ರಾವಿಡ, ಆದಿ ಕರ್ನಾಟಕ ಜಾತಿ ಪ್ರಮಾಣ ಪತ್ರ ಹೊಂದಿರುವವರು ಕಡ್ಡಾಯವಾಗಿ ಪ್ರಸ್ತಾಪಿತ ಉಪ ಜಾತಿಗೆ ಸೇರಿರುವ ಬಗ್ಗೆ ಸ್ವಯಂ ಘೋಷಣಾ ಪ್ರಮಾಣ ಪತ್ರವನ್ನು ಸಲ್ಲಿಸಬೇಕು.
ಅರ್ಜಿದಾರರು 18 ವರ್ಷ ಮೇಲ್ಪಟ್ಟ ವಯೋಮಾನದವರಾಗಿರಬೇಕು.
ಅರ್ಜಿದಾರರ ಕುಟುಂಬದ ವಾರ್ಷಿಕ ವರಮಾನವು ಗ್ರಾಮೀಣ ಪ್ರದೇಶವಾದಲ್ಲಿ ರೂ. 1.50 ಲಕ್ಷ ಹಾಗೂ ನಗರ ಪ್ರದೇಶವಾದಲ್ಲಿ ರೂ. 2.00 ಲಕ್ಷದ ಮಿತಿಯೊಳಗಿರಬೇಕು.
ಡಾ. ಬಾಬು ಜಗಜೀವನ ರಾಂ ಚರ್ಮಕಾರರ ವಸತಿ ಯೋಜನೆಗೆ ಅರ್ಜಿದಾರರ ಕುಟುಂಬದ ವಾರ್ಷಿಕ ವರಮಾನವು ಗ್ರಾಮೀಣ ಪ್ರದೇಶದಲ್ಲಿ ರೂ. 32,000/- ಮತ್ತು ನಗರ ಪ್ರದೇಶದವರಿಗೆ ರೂ. 87,600/- ಗಳ ಮಿತಿ ಒಳಗಿರಬೇಕು.
ಅರ್ಜಿದಾರರ ಕುಟುಂಬದ ಯಾವುದೇ ಸದಸ್ಯರು ಸರ್ಕಾರಿ/ಅರೆ ಸರ್ಕಾರಿ ಸಂಸ್ಥೆಯಲ್ಲಿ ನೌಕರಿಯಲ್ಲಿರಬಾರದು.
ಅರ್ಜಿದಾರರು ಅಥವಾ ಕುಟುಂಬದವರು ಈ ಹಿಂದೆ ನಿಗಮದಿಂದ ಯಾವುದೇ ಸೌಲಭ್ಯ ಪಡೆದಿರಬಾರದು (ತರಬೇತಿ / ಕುಟೀರ ಹೊರತುಪಡಿಸಿ)
ಕಾಯಕ ಸ್ಪೂರ್ತಿ ಯೋಜನೆಯಡಿ ಸೌಲಭ್ಯ ಪಡೆಯಲು ತರಬೇತಿ ಪಡೆದ 10 ಮಹಿಳಾ ಕುಶಲಕರ್ಮಿಗಳು ಸ್ವಸಹಾಯ ಸಂಘ ರಚಿಸಿಕೊಂಡಿರಬೇಕು.
ಎಲ್ಲಾ ಯೋಜನೆಗಳಲ್ಲಿ ಮಹಿಳೆಯರಿಗೆ ಶೇ. 33 ರಷ್ಟು ಮೀಸಲಾತಿ ನೀಡಿ ಸೌಲಭ್ಯ ಕಲ್ಪಿಸಲಾಗುವುದು.
ವಿಕಲಚೇತನರಿಗೆ ಶೇಕಡ 5 ರಷ್ಟು ಆಧ್ಯತೆ ನೀಡಲಾಗುವುದು.
ಆಯಾ ಯೋಜನೆಗಳ ಅನುಷ್ಠಾನ ಸಂಬಂಧ ಸರ್ಕಾರದಿಂದ ಹೊರಡಿಸಿರುವ ಆದೇಶಗಳಲ್ಲಿನ ಷರತ್ತುಗಳು ಅನ್ವಯವಾಗುತ್ತವೆ.

ಸಲ್ಲಿಸಬೇಕಾದ ದಾಖಲಾತಿಗಳು

ಆಧಾರ್ ಕಾರ್ಡ್.
ಜಾತಿ ಪ್ರಮಾಣ ಪತ್ರ. (ಆರ್. ಡಿ ಸಂಖ್ಯೆ ಹೊಂದಿರಬೇಕು)
ಚಾಲ್ತಿಯಲ್ಲಿರುವ ವಾರ್ಷಿಕ ಆದಾಯ ಪ್ರಮಾಣ ಪತ್ರ.
ಪಡಿತರ ಚೀಟಿ .
ಪಾಸ್‍ಪೋರ್ಟ್ ಅಳತೆಯ ಗಂಡ ಮತ್ತು ಹೆಂಡತಿಯ ಭಾವಚಿತ್ರ.
ಇ-ಶ್ರಮ್ ಕಾರ್ಡ್ (ವೃತ್ತಿ-ಚರ್ಮ ವೃತ್ತಿಯಲ್ಲಿ ತೊಡಗಿರುವ ಬಗ್ಗೆ)
ಕಾಯಕ ಸ್ಪೂರ್ತಿ ಯೋಜನೆಗೆ ಸ್ವ - ಸಹಾಯ ಸಂಘದ ಹೆಸರಿಗೆ ತೆರೆದ ಬ್ಯಾಂಕ್ ಖಾತೆಯ ಪಾಸ್ ಪುಸ್ತಕದ ಮೊದಲ ಪುಟದ ಪ್ರತಿ
ಯೋಜನಾ ವರದಿ/ದರಪಟ್ಟಿ (ಸ್ವಯಂ ಉದ್ಯೋಗ ಯೋಜನೆಗಳಿಗೆ ಮಾತ್ರ).
ಸಂಚಾರಿ ಮಾರಾಟ ಮಳಿಗೆಯಾದಲ್ಲಿ ಆರ್.ಟಿ.ಓ ಯಿಂದ ಪಡೆದ ಡ್ರೈವಿಂಗ್ ಲೈಸೆನ್ಸ್.
ನಿವೇಶನದ ಖಾತಾ ಸರ್ಟಿಫಿಕೇಟ್ (ವಸತಿ ಯೋಜನೆಗೆ ಮಾತ್ರ).
ವೃತ್ತಿ ಪ್ರಮಾಣ ಪತ್ರ / ಲಿಡ್‍ಕರ್ ತಾಂತ್ರಿಕ ವಿಭಾಗದಿಂದ ಪಡೆದ ಕೌಶಲ್ಯ ಪ್ರಮಾಣ ಪತ್ರ.
ನಿಗಧಿಪಡಿಸಿದ ನಮೂನೆಗಳಲ್ಲಿ ಸಾಲ ನೀಡುವ ಸಂಬಂಧ ಒದಗಿಸಬೇಕಾದ ದಾಖಲಾತಿಗಳು (ನೇರ ಸಾಲ ಮತ್ತು ಕಾಯಕಸ್ಪೂರ್ತಿ ಯೋಜನೆಗೆ ಮಾತ್ರ)

ಅನುಷ್ಟಾನ ವಿಧಾನ :

‘ಸುವಿಧಾ’ / ಸೇವಾಸಿಂಧು ಪೋರ್ಟಲ್ ಮೂಲಕ ಆನ್‍ಲೈನ್ ಅರ್ಜಿಗಳನ್ನು ಆಹ್ವಾನಿಸಲಾಗುವುದು.
suvidha.karnataka.gov.in / Sevasindhu.karnataka.gov.in ಅನ್ನು ಸಂಪರ್ಕಿಸಿ ಆನ್‍ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದೆ.
ಕೊನೆಯ ದಿನಾಂಕದ ನಂತರ ನಿಗಮದ ಜಿಲ್ಲಾ ಸಂಯೋಜಕರು ಪರಿಶೀಲನೆ ಮಾಡಿ ಅರ್ಹ ಕುಶಲಕರ್ಮಿಗಳ ಪಟ್ಟಿ ಸಿದ್ಧಪಡಿಸಿ ಸಂಬಂಧಪಟ್ಟ ಕ್ಷೇತ್ರದ ಶಾಸಕರ ಗಮನಕ್ಕೆ ತಂದು ಜಿಲ್ಲಾ ಸಮಿತಿ ಮುಂದೆ ಮಂಡಿಸುವುದು.
ಜಿಲ್ಲಾ ಸಮಿತಿಯು ಜಂಟಿ ನಿರ್ದೇಶಕರು / ಉಪ ನಿರ್ದೇಶಕರು, ಸಮಾಜ ಕಲ್ಯಾಣ ಇಲಾಖೆ ಇವರ ಅಧ್ಯಕ್ಷತೆಯಲ್ಲಿ ಈ ಕೆಳಕಂಡ ಸದಸ್ಯರೊಂದಿಗೆ ಕಾರ್ಯ ನಿರ್ವಹಿಸುವುದು

ಮೇಲಿನ ಸಮಿತಿಯು ಫಲಾನುಭವಿಗಳನ್ನು ಆಯ್ಕೆ ಮಾಡಿದ ನಂತರ ದೃಢೀಕರಣ ಪಡೆದು ನಿಗಮದ ಜಿಲ್ಲಾ ಸಂಯೋಜಕರು ಪಟ್ಟಿಯನ್ನು ಪ್ರಧಾನ ಕಛೇರಿಗೆ ಸಲ್ಲಿಸುವುದು.
ಆಯ್ಕೆ ಪಟ್ಟಿಗೆ ವ್ಯವಸ್ಥಾಪಕ ನಿರ್ದೇಶಕರ ಆಡಳಿತಾತ್ಮಕ ಅನುಮೋದನೆ ಪಡೆದು ಆಯ್ಕೆ ಪಟ್ಟಿಯನ್ನು ಸಂಬಂಧಿಸಿದ ಜಿಲ್ಲಾ ಘಟಕಗಳ ಸೂಚನಾ ಫಲಕದಲ್ಲಿ ಪ್ರಕಟಿಸುವುದು ನಂತರ ಯೋಜನೆಯನ್ನು ಅನುಷ್ಟಾನಗೊಳಿಸುವುದು.

ಫಲಾಪೇಕ್ಷಿಯು ಅರ್ಜಿಯೊಂದಿಗೆ ಸಲ್ಲಿಸಬೇಕಾದ ದಾಖಲಾತಿಗಳು:

ಆಧಾರ್ ಕಾರ್ಡ್.
ಜಾತಿ ಪ್ರಮಾಣ ಪತ್ರ. (ಆರ್. ಡಿ ಸಂಖ್ಯೆ ಹೊಂದಿರಬೇಕು)
ಚಾಲ್ತಿಯಲ್ಲಿರುವ ವಾರ್ಷಿಕ ಆದಾಯ ಪ್ರಮಾಣ ಪತ್ರ.
ಪಡಿತರ ಚೀಟಿ .
ಪಾಸ್ಪೋರ್ಟ್ ಅಳತೆಯ ಗಂಡ ಮತ್ತು ಹೆಂಡತಿಯ ಭಾವಚಿತ್ರ.
ಇ-ಶ್ರಮ್ ಕಾರ್ಡ್ (ವೃತ್ತಿ-ಚರ್ಮ ವೃತ್ತಿಯಲ್ಲಿ ತೊಡಗಿರುವ ಬಗ್ಗೆ)
ಯೋಜನಾ ವರದಿ/ದರಪಟ್ಟಿ (ಸ್ವಯಂ ಉದ್ಯೋಗ ಯೋಜನೆಗಳಿಗೆ ಮಾತ್ರ).
ವೃತ್ತಿ ಪ್ರಮಾಣ ಪತ್ರ / ಲಿಡ್ಕರ್ ತಾಂತ್ರಿಕ ವಿಭಾಗದಿಂದ ಪಡೆದ ಕೌಶಲ್ಯ ಪ್ರಮಾಣ ಪತ್ರ.

ಅನುಷ್ಟಾನ ವಿಧಾನ :

‘ಸುವಿಧಾ’ / ‘ಸೇವಾ ಸಿಂಧು’ ಪೋರ್ಟಲ್ ಮೂಲಕ ಆನ್ಲೈನ್ ಅರ್ಜಿಗಳನ್ನು ಆಹ್ವಾನಿಸಲಾಗುವುದು.
suvidha.karnataka.gov.in ಅನ್ನು ಸಂಪರ್ಕಿಸಿ ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದೆ.
ಕೊನೆಯ ದಿನಾಂಕದ ನಂತರ ನಿಗಮದ ಜಿಲ್ಲಾ ಸಂಯೋಜಕರು ಪರಿಶೀಲನೆ ಮಾಡಿ ಅರ್ಹ ಕುಶಲಕರ್ಮಿಗಳ ಪಟ್ಟಿ ಸಿದ್ಧಪಡಿಸಿ ಸಂಬಂಧಪಟ್ಟ ಕ್ಷೇತ್ರದ ಶಾಸಕರ ಗಮನಕ್ಕೆ ತಂದು ಜಿಲ್ಲಾ ಸಮಿತಿ ಮುಂದೆ ಮಂಡಿಸುವುದು.
ಜಿಲ್ಲಾ ಸಮಿತಿಯು ಜಂಟಿ ನಿರ್ದೇಶಕರು / ಉಪ ನಿರ್ದೇಶಕರು, ಸಮಾಜ ಕಲ್ಯಾಣ ಇಲಾಖೆ ಇವರ ಅಧ್ಯಕ್ಷತೆಯಲ್ಲಿ ಈ ಕೆಳಕಂಡ ಸದಸ್ಯರೊಂದಿಗೆ ಕಾರ್ಯ ನಿರ್ವಹಿಸುವುದು

1) ಜಿಲ್ಲಾ ವ್ಯವಸ್ಥಾಪಕರು ಡಾ: ಅಂ.ಅ.ನಿ.ನಿ. – ಸದಸ್ಯರು
2) ನಿಗಮದ ಜಿಲ್ಲಾ ಸಂಯೋಜಕರು – ಸದಸ್ಯ ಕಾರ್ಯದರ್ಶಿ

ಮೇಲಿನ ಸಮಿತಿಯು ಫಲಾನುಭವಿಗಳನ್ನು ಆಯ್ಕೆ ಮಾಡಿದ ನಂತರ ದೃಢೀಕರಣ ಪಡೆದು ನಿಗಮದ ಜಿಲ್ಲಾ ಸಂಯೋಜಕರು ಪಟ್ಟಿಯನ್ನು ಪ್ರಧಾನ ಕಛೇರಿಗೆ ಸಲ್ಲಿಸುವುದು.
ಆಯ್ಕೆ ಪಟ್ಟಿಗೆ ವ್ಯವಸ್ಥಾಪಕ ನಿರ್ದೇಶಕರ ಆಡಳಿತಾತ್ಮಕ ಅನುಮೋದನೆ ಪಡೆದು ಆಯ್ಕೆ ಪಟ್ಟಿಯನ್ನು ಸಂಬಂಧಿಸಿದ ಜಿಲ್ಲಾ ಘಟಕಗಳ ಸೂಚನಾ ಫಲಕದಲ್ಲಿ ಪ್ರಕಟಿಸುವುದು ನಂತರ ಯೋಜನೆಯನ್ನು ಅನುಷ್ಟಾನಗೊಳಿಸುವುದು.
ನಿಗಮದ ಯೋಜನೆಗಳಡಿ 60 ದಿನಗಳ ಕೌಶಲ್ಯ ಅಭಿವೃದ್ಧಿ ತರಬೇತಿ ಅಥವಾ ಒಂದು ವರ್ಷದ ಸರ್ಟಿಫಿಕೇಟ್ ಕೋರ್ಸ್ ಅಥವಾ ಮೂರು ವರ್ಷದ ಡಿಪ್ಲಮೋ ಇನ್ ಲೆದರ್ ಟೆಕ್ನಾಲಜಿ ಅಥವಾ ಒಂದುವರೆ ವರ್ಷದ ಪಿಜಿ ಹೈಯರ್ ಡಿಪ್ಲಮೋ ಪಡೆದವರಿಗೆ ಆದ್ಯತೆ.
ಕುಶಲಕರ್ಮಿಗಳ ಸ್ವ-ಸಹಾಯ ಸಂಘ/ಸಹಕಾರ ಸಂಘಗಳು ಉತ್ಪಾದನಾ ಘಟಕಗಳನ್ನು ಸ್ಥಾಪಿಸಬೇಕಾದಲ್ಲಿ ಕನಿಷ್ಟ ಪಕ್ಷ 20 ರಿಂದ 30 ತರಬೇತಿ ಪಡೆದ ಕುಶಲಕರ್ಮಿಗಳು ಸಂಘ ರಚಿಸಿಕೊಂಡು ನೊಂದಾವಣೆ ಮಾಡಿಸಿರಬೇಕು.
ಚರ್ಮಕಾರರ ಸಹಕಾರ ಸಂಘ/ಸ್ವ-ಸಹಾಯ ಸಂಘಗಳನ್ನು ಸ್ಥಾಪಿಸಿ ಉತ್ಪಾದನೆಯಲ್ಲಿ ತೊಡಗಿರುವ ಕುಶಲಕರ್ಮಿ ಸಂಘಗಳಿಗೆ ಆದ್ಯತೆ ನೀಡಲಾಗುವುದು.
ನಿಗಮದ ಸಂಕೀರ್ಣಗಳಲ್ಲಿ ವಸತಿ ಕಾರ್ಯಾಗಾರ ಪಡೆದು ವಾಸಿಸುತ್ತಿರುವ ಚರ್ಮ ಕುಶಲಕರ್ಮಿ ಮತ್ತು ತರಬೇತಿ ಪಡೆದ ಕುಶಲಕರ್ಮಿಗಳಿಗೆ ಅಥವಾ ಕುಶಲಕರ್ಮಿಗಳ ಸ್ವ-ಸಹಾಯ / ಸಹಕಾರ ಸಂಘಗಳಿಗೆ ಆದ್ಯತೆ ನೀಡಲಾಗುವುದು.
ವೈಯಕ್ತಿಕ ಘಟಕ ಸ್ಥಾಪಿಸಲು ಕನಿಷ್ಟ ಪಕ್ಷ 800-1000 ಚ.ಅ ಮತ್ತು ಸಾಂಸ್ಥಿಕ ಘಟಕ ಸ್ಥಾಪಿಸಲು ಕನಿಷ್ಟ ಪಕ್ಷ 2000-2500 ಚ.ಅ ಸ್ಥಳಾವಕಾಶ ಹೊಂದಿರಬೇಕು
ಕುಶಲಕರ್ಮಿಗಳು ಅಥವಾ ಕುಶಲಕರ್ಮಿಗಳ ಸ್ವ-ಸಹಾಯ / ಸಹಕಾರ ಸಂಘಗಳು ಸ್ವತಃ ವಂತಿಗೆ ಭರಿಸುವುದಾದಲ್ಲಿ ಅರ್ಜಿಯೊಂದಿಗೆ ವಿವರಗಳನ್ನು ಪ್ರಧಾನ ಕಛೇರಿಗೆ ಸಲ್ಲಿಸುವುದು.
ಯಂತ್ರೋಪಕರಣಗಳನ್ನು ಖರೀದಿಸುವ ನಿಟ್ಟಿನಲ್ಲಿ ನಿಗಮದಿಂದ ಟೆಂಡರ್ ಕರೆದು ಸ್ಪರ್ಧಾತ್ಮಕ ದರಗಳನ್ನು ನಿಗಧಿಪಡಿಸಲಾಗುವುದು. ಫಲಾನುಭವಿಗಳು ಕಡಿಮೆ ದರ ನಮೂದಿಸುವ ವೆಂಡರ್ / ಡೀಲರ್ ರವರಲ್ಲಿ ಯಂತ್ರಗಳನ್ನು ಖರೀದಿಸಿ ಘಟಕ ಸ್ಥಾಪಿಸುವುದು.
ಈ ರೀತಿ ಸ್ಥಾಪಿಸಿದ ಘಟಕಗಳ ನಿರಂತರ ಉಸ್ತುವಾರಿಗಾಗಿ ನಿಗಮದಿಂದ ಒಬ್ಬ ತಾಂತ್ರಿಕ ಸಮನ್ವಯಕಾರರನ್ನು(ಖಿeಛಿhಟಿiಛಿಚಿಟ ಅo-oಡಿಜiಟಿಚಿಣoಡಿ) ನೇಮಿಸುವುದು.
ಸ್ಥಾಪನೆಯಾದ ಉತ್ಪಾದನಾ ಘಟಕಗಳಿಗೆ ನಿರಂತರ ಉದ್ಯೋಗ ಒದಗಿಸುವ ನಿಟ್ಟಿನಲ್ಲಿ ನಿಗಮದ ಮಾರುಕಟ್ಟೆ ಸಹಾಯ ಯೋಜನೆಯಡಿ ಅಳವಡಿಸಿಕೊಂಡು ಲಿಡ್ಕರ್ ಮಾರಾಟ ಮಳಿಗೆಗಳಿಗೆ ಮತ್ತು ಸಗಟು ಮಾರಾಟಕ್ಕೆ ಅವಶ್ಯವಿರುವ ಉತ್ಪನ್ನಗಳನ್ನು ಈ ಘಟಕಗಳ ಮೂಲಕ ಉತ್ಪಾದನೆ ಮಾಡಿಸಿ ಸರಬರಾಜು ಮಾಡುವುದು.
ನಿಗಮದಿಂದ ಉತ್ಪಾದನಾ ಘಟಕವನ್ನು ಸ್ಥಾಪಿಸಿಕೊಟ್ಟು ಮೈಕ್ರೊ ಯೂನಿಟ್ ಎಂದು ನೊಂದಾಯಿಸಿ ನಿರಂತರ ಉದ್ಯೋಗ ಒದಗಿಸುವ ನಿಟ್ಟಿನಲ್ಲಿ ನಿಗಮದ ಮಾರುಕಟ್ಟೆ ಸಹಾಯ ಯೋಜನೆಯಡಿ ಅಳವಡಿಸಿಕೊಳ್ಳುವುದು.
ಸ್ವತಃ ಮಾರುಕಟ್ಟೆ ವ್ಯವಸ್ಥೆ ಕಲ್ಪಿಸಿಕೊಳ್ಳಲು ಅವಕಾಶ ನೀಡುವುದು.

ತರಬೇತಿ ಕಾರ್ಯಕ್ರಮಗಳು

ಕೌಶಲ್ಯ ಅಭಿವೃದ್ದಿ ಯೋಜನೆ

ಉದ್ದೇಶ :

ವಿವರ:

ಕೌಶಲ್ಯ ಉನ್ನತೀಕರಣ ಯೋಜನೆ

ಉದ್ದೇಶ :

ವಿವರ:

ನಿಗಮದಿಂದ ವಿವಿಧ ಯೋಜನೆಗಳಡಿ ಸೌಲಭ್ಯ ಪಡೆಯಲು ಇರಬೇಕಾದ ಸಾಮಾನ್ಯ ಅರ್ಹತೆಗಳು:

ಸಾಮಾನ್ಯ ಅರ್ಹತೆಗಳು

ಸಲ್ಲಿಸಬೇಕಾದ ದಾಖಲಾತಿಗಳು

ಅನುಷ್ಟಾನ ವಿಧಾನ :

ಫಲಾಪೇಕ್ಷಿಯು ಅರ್ಜಿಯೊಂದಿಗೆ ಸಲ್ಲಿಸಬೇಕಾದ ದಾಖಲಾತಿಗಳು:

ಅನುಷ್ಟಾನ ವಿಧಾನ :

ತ್ವರಿತ ಕೊಂಡಿಗಳು

ನಮ್ಮನ್ನು ಸಂಪರ್ಕಿಸಿ